HƏYATIMIN HEKAYƏTLƏRƏ

«Həyatımın hekayətləri»ni XX əsr Azərbaycan azadlıq hərəkatının canlı ensiklopediyası da adlandırmaq olar. Dünyanı yerindən oynadan hərb və sülh mənzərələri, ənənəvi ideologiyaların süqutu, köhnə imperiyaların çöküşü, tarixin səhnəsinə milli şüurun yeni biçimdə sıçrayışı… cizgilərini, sərhədlərini dəyişən qüdrətlər… Və bütün bunların fonunda Azadlıq üçün mücadilə aparan bir mücahidin həyatı – XX əsrin taleyi ilə həmqafiyə olan həyat: romantik arzular, amansız gerçəkliklər, millətin zəfər və faciəsi, gizli təşkilatlar, həbslər, sürgünlər, nakam məhəbbət, əzablı mühacirət yolu, dəmir iradə ilə bütün bunlara tab gətirərək əqidə və imanından dönməmək – hər gün yeni ümidlə Azərbaycanın qırmızı Rus əsarətindən qurtulacağına inam… Əziz Alpoudun «Həyatımın hekayətləri» düz əlli il Türkiyə arxivlərində əlyazma şəklində saxlanılıb. Müəllifin həqiqi adı (Mirəbdüləziz Seyid) təxəllüsünün gizlinliyində uyuduğu kimi, bu kitabına da zamanın unutqanlıq möhürü vurulub. Böyük Mustafa Kamal Atatürklə dostluğu, Alparslan Türkeşlə əqidədaşlığı, Adolf Hitlerin Əziz bəyə qayğısı, dünya boyu səpələnmiş Azərbaycanın istiqlal mücahidləri ilə sıx əlaqəsi işıqlı bir xətlə bu kitabın səhifələrindən keçir. Əlyazma ilk dəfədir ki, kitab şəklində nəşr olunur.