Daşınmaz əmlakın kadastrı

“Daşınmaz əmlakın kadastrı dərsliyi ölkədə bu sahədə yazılan ilk dərslikdir. Dərslik Azərbaycanda daşınmaz əmlakın kadastrının tərtibi və aparılması, kadastr məlumatlarının istehsalı, idarə edilməsi məsələlərinə həsr edilmişdir. Dərslikdə daşınmaz əmlakın kadastrının istehsalat prosesinin mərhələləri şərh edilir, torpaqların elektron kadastr uçotu informasiya sisteminin yaradılması texnologiyası açıqlanır, daşınmaz əmlakın kadastrı məlumatlarından istifadə sahələri və mexanizmləri göstərilir. Dərslikdə həmçinin daşınmaz əmlakın vahid dövlət kadastrının məzmunu və mahiyyəti şərh edilir, daşınmaz əmlakın vahid dövlət kadastrının Milli məkan məlumatları sistemində yeri və rolu açıqlanır. Dərslik ali təhsil müəssisələrində “Yerquruluşu və daşınmaz əmlakın kadastrı ixtisası üzrə bakalavr pilləsində təhsil alan tələbələr, həmçinin kadastr, yerquruluşu, torpaq inzibatçılığı sahələrində çalışan mütəxəssislər üçün nəzərdə tutulmuşdur. Kitabın 1.1, 4.1., 5.3., 6.1., 8.1., 8.2., 8.5. bölmələri magistr dərəcəli mühəndis – tədqiqatçı M.R.Quliyevlə birgə yazılmışdır.